Денови
Часови
Минути
Секунди
Menu
FMCG Summit веќе 12 години е централното место за поврзување на лидери, компании и професионалци што го движат FMCG секторот во Македонија и регионот. Она што започна како професионален настан за размена на искуства, денес е препознатлива бизнис платформа каде што се отвораат најважните прашања за иднината на трговијата, дистрибуцијата, производството, технологијата, потрошувачите и развојот на брендовите. FMCG Summit ги обединува носителите на индустријата – производители, трговци, дистрибутери, маркетинг и sales експерти, data и retail professionals, како и компании што ги креираат новите стандарди и трендови на пазарот. Во време на брзи промени, дигитална трансформација и нови потрошувачки навики, самитот претставува простор за вистински разговори, релевантни анализи, практични искуства и идеи што носат реална деловна вредност. На 29 октомври 2026 година, во Скопје, 12 FMCG Summit повторно ќе ги собере највлијателните професионалци од индустријата — за нови перспективи, нови партнерства и нова визија за иднината на FMCG индустријата.
FMCG SUMMIT во Јадранскиот Регион низ бројки:
+
0
УЧЕСНИЦИ
+
0
КОМПАНИИ
+
0
СПОНЗОРИ
+
0
ГОВОРНИЦИ
ПРОФЕСИОНАЛЦИТЕ ЗА САМИТОТ
Зухра Искендерлер - раководител на дистрибутивниот сектор „Даути комерц“
FMCG SUMMIT и оваа година се потврди како водечка регионална платформа за споделување искуства, идеи и најдобри практики во секторот. Темата за потрошувачките навики низ призмата на глобалните и регионалните трендови беше исклучително актуелна и понуди вредни насоки за идниот развој на пазарот. Презентациите беа содржајни, со јасни пораки за важноста на адаптацијата кон новите трендови и дигиталната трансформација. Особено се издвојува можноста за директна комуникација меѓу трговците и производителите, што го прави самитот уникатен по својата деловна вредност. Со задоволство можам да истакнам дека секој FMCG SUMMIT носи нова енергија, мотивација и инспирација – причини поради кои со гордост сум дел од него веќе 11 години по ред.
Полексена Јанкуловска - регионален маркетинг-менаџер „Млекара АД Битола“
FMCG SUMMIT веќе 11 години претставува уникатен настан кој со право се смета за „must-attend“ за сите што се дел од FMCG-индустријата. Од аспект на слушател и гостин, можам да кажам дека ова е конференција што секогаш инспирира – и со тематиките што ги опфаќа и со внимателно одбраните предавачи кои носат релевантни и применливи искуства. Но, можеби најголемата вредност на самитот е можноста за вмрежување – ретка прилика да се сретнеме со колегите од индустријата во опуштена атмосфера, да размениме искуства, идеи и често да договориме одлични заеднички иницијативи. Овој настан секоја година потсетува колку е важно професионалното поврзување и заедничкиот раст.
Наталија Караманова - кey аccount и трејд маркетинф менаџер за пијалаци, „Атлантик трејд“
11 FMCG SUMMIT беше професионално осмислен и одлично огранизиран. Остави позитивен впечаток како еден од најрелевантните настани за FMCG-индустријата во регионот. Содржината беше квалитетна, релевантна и приспособена на актуелните трендови и предизвици во индустријата. Би го издвоила и изборот на говорници, структурираниот формат и можноста за професионално вмрежување и размена на искуства со партнери, дистрибутери и други компании од FMCG-секторот. Настанот понуди одличен и прецизен увид во промените на потрошувачкото однесување и можностите за понатамошен раст. Честитки за професионализмот, посветеноста и позитивната енергија со која го организиравте овој самит.
RETAIL ПАРТНЕРИ
ПЛАТИНУМ СПОНЗОРИ
ЗЛАТНИ СПОНЗОРИ
АВТОПАРТНЕР
СРЕБРЕНИ СПОНЗОРИ
МЕДИУМСКИ ПОКРОВИТЕЛИ
ГОВОРНИЦИ
ПРОГРАМА
Програмата на 12-тиот FMCG Summit повторно ќе ги отвори најрелевантните теми што го обликуваат FMCG секторот и современиот retail ecosystem. Во фокусот ќе бидат трендовите што ја трансформираат индустријата - потрошувачки навики, AI и дигитализација, retail media, data и analytics, e-commerce, стратегии за раст, развој на брендовите и иднината на трговијата. Очекувајте внимателно креирана програма со главните говорници, панел дискусии, case studies и практични искуства од водечки компании и експерти од локални, регионални и меѓународни компании. Наскоро очекувајте детална програма!
08:00 - 8:45
РЕГИСТРАЦИЈА НА УЧЕСНИЦИ
08:50 - 10:30
Верица Мартиновска – воведно обраќање
Бојан Стоевски – Репозиционирање за раст: промена на пазарниот модел со ценовната стратегија во фокусот
Во време на инфлација, променети потрошувачки навики и растечка конкуренција, ценовната стратегија станува клучна алатка за одржлив раст. Презентацијата прикажува како компаниите можат да го редефинираат својот пазарен модел преку внимателно репозиционирање и стратегиски пристап кон цените. Фокусот е на практични примери и искуства што покажуваат како правилната цена може да биде најсилен двигател на развојот.
Darko Krkać – Технологии кои ја менуваат малопродажбата
На 11. FMCG Summit, Дарко Кркач ќе претстави современи софтверски решенија за управување со електронски ознаки за цени (ESL), со акцент на нивната интеграција во системите на малопродажбата и нивните реални деловни придобивки. Ќе биде прикажано и решението PIS mobileBOOM, како и софтверот за аналитика на продажни податоци, кој овозможува подлабок увид во резултатите и поефикасно донесување одлуки.
Марина Михајловска – Од стратегија до резултати – Performance Management како движечка сила
Performance Management претставува повеќе од алатка за мерење резултати – тој е клучен механизам што овозможува стратегијата да остане релевантна, прилагодлива и ефективна во динамично опкружување. Стратегијата не е документ, туку начин на размислување и дејствување што се пренесува низ цели, бројки и одлуки. Презентацијата ќе покаже како преку KPI и улогата на менаџерите како имплементатори на стратегијата, се создава организациска култура на влијание, одговорност и континуиран раст.
Roko Vodopija – Од план до профит: како компанијата да создаде повеќе од очекуваното
Во динамична деловна средина, вистинската разлика меѓу успехот и просечноста лежи во реализацијата. Презентацијата го истражува патот „од план до резултат“ – како компаниите можат да ги надминат сопствените очекувања преку јасна стратегија, ефективно лидерство и култура на одговорност. Дали секогаш ни треба менаџер, или вистински лидер?
10.30 - 11.00
Пауза за нетворкинг
11.00 - 12.25
Огнен Огненовски – Мапа на FMCG индустријата во С.Македонија
Презентацијата нуди јасна слика за состојбата и движењата во FMCG секторот во Македонија – од вкупниот број и структура на компании до нивните приходи, добивки и пазарни трендови. Ќе бидат прикажани најголемите и најбрзорастечки компании, како и податоци за профитабилноста, финансиската стабилност и трендовите во вработеноста. Анализата открива колку е динамичен секторот и што ја одредува неговата сила и одржливост.
Toni Rončević – In-store брендирање: Кога вниманието станува продажба
Во свет на пренатрупени пораки и ограничено внимание, вистинскиот момент на купување станува клучен за успех. Брендирањето во продавница е повеќе од визуелен впечаток – тоа е стратегија што ја води одлуката на потрошувачот. Презентацијата ќе покаже како ефективното in-store позиционирање, креативната комуникација и конзистентното присуство на брендот ја претвораат видливоста во продажба.
Драган Теодоровиќ – Потрошувачките навики низ призма на глобалните и регионалните трендови
Потрошувачките навики се менуваат побрзо од кога било – под влијание на глобалните трендови, економските промени и новите вредности на локалните пазари. Како се однесуваат потрошувачите денес, што ги мотивира при изборот и како се создава лојалност во време на инфлација и дигитална преоптовареност?
Ова предавање ќе даде поглед на клучните глобални и регионални трендови што ја обликуваат иднината на FMCG пазарот и ќе даде насоки како компаниите да се приспособат на новата реалност на потрошувачот.
Александар Бајков и Aleksander Käfer – Интелигентни дигитални цени – нова димензија на малопродажбата
Printec како доверлив технолошки партнер кој работи во 17 земји, ќе го презентира своето портфолио на иновативни решенија за дигитална трансформација во ритеил индустријата, со кои им помага на бизнисите да креираат нови кориснички искуства. Ќе го претстават и својот партнер Solum – компанија која обезбедува иновативни решенија за ESL технологијата. Преку успешни примери од европските пазари, ќе се прикаже како овие решенија ја зголемуваат ефикасноста на работењето и го унапредуваат искуството на купувачите.
Toni Balažič – 7 митови за малопродажбата
Во денешниот свет на трговијата и FMCG-секторот, кој брзо се менува, многу менаџерски одлуки сè уште се засноваат на застарени уверувања и „правила“ што повеќе не функционираат. Ова предавање ги разобличува седумте најчести митови што често водат до краткорочни стратегии, неефикасни инвестиции или пропуштени можности. Преку практични примери и анализи засновани на податоци, говорникот ќе открие што навистина го движи успехот во трговијата и зошто преиспитувањето на тоа што „сите го знаеме“ може да биде првиот чекор кон помудар пораст.
12.25 - 13.25
Пауза за ручек
29 октомври е ден што треба да го поминете со професионалците од секторот. Дојдете заедно со вашите колеги на еден ден посветен на едукација, нетворкинг и дружење.
Бидете дел од настанот на годината!
Цената за котизација вклучува: следење на сите предавања, ручек, кафе-паузи и торба со промо-материјали од спонзорите за едно лице.
Цените се без ДДВ.
Телефон: +389 2 3067 572
ОРГАНИЗИРАНО ОД
info@fmcg-summit.mk
