FMCG Summit го доживувам како славење на иновацијата и соработката во нашата индустрија – место каде енергијата на амбициозни лидери ја поттикнува визијата за иднината. Тука не само што ги слушаме најновите трендови, туку и ги создаваме заедно: преку храбри идеи, вистински луѓе и вистински разговори кои отвораат пат кон нови можности и подобри решенија за пазарот. Овој самит го гледам како платформа што ни помага да ги предвидиме промените на пазарот и да бидеме чекор напред. Во време кога навиките на потрошувачите се менуваат побрзо од кога било, вакви настани се витални за да се поврзат производителите, трговците и иноваторите – сите со заедничка цел: да создадеме поодржлив, пофункционален и поконкурентен FMCG екосистем.

По подолг период на изолација, настаните што се одржуваат во живо се вистинско освежување за сите професионалци од индустријата, најмногу поради позитивната енергија што се шири меѓу учесниците. FMCG-самиот во Скопје беше токму таков, оригинален и инспиративен во секој поглед, настан на кој беа презентирани актуелни и предизвикувачки теми од индустријата од извонредни говорници. Споделивме многу интересни искуства за тоа што се случува во индустријата во регионот и пошироко. Задоволство беше да се биде дел од учесниците на FMCG-самитот и се надевам на уште попредизвикувачки теми веќе следна година.